Skip Ribbon Commands
Skip to main content
National Human Rights Commission

 

Si bann otorite piblik (couma minister, departman gouvernman, kor paraetatik, District Council, Municipalite ek konpagni sou kontrol gouvernman, par ekzanp, Air Mauritius, Mauritius Telecom, etc.) pa finn respekte ou droi imin garanti par Constitution Maurice, ou kapav met enn plint divan
Commission Nationale des Droits de L'Homme,
2e etaz, Batiman Renganaden Seeneevassen,
rue Jules Koenig, Port Louis
No. Tel. 208-2856/7 No. Fax 208-2858

Ou kapav soi ekrir enn let ou ranpli enn Form ki ou kapav pran kot Commission.
Bann droi garanti par Constitution, zot -
(i) droi lavi;
(ii) droi liberte;
(iii) droi proteksion kont esklavaz ek travay forse;
(iv) droi proteksion kont bann tretman inimin;
(v) droi proteksion kont leta aras ou dibien;
(vi) droi pou protez ou lavi prive ek ou lakaz;
(vii) droi defann ou divan lakour;
(viii) droi liberte panse ek pratik ou relizion;
(ix) droi pou exprim ou libreman;
(x) droi pou fer renion ek form asosiasion;
(xi) droi pou ouver bann lekol;
(xii) droi pou ale vini libreman;
(xiii) droi proteksion kont diskriminasion.
An plis ou kapav met enn plint kont lapolis divan Commission pou britalite polisier ou move konportman.
Commission pena droi anket lor:- zafer sekter prive, bann dispit prive, bann zafer ki deza divan lakour, bann desizion President de la République, Chef Juge, Directeur des Poursuites Publiques(DPP), Public Service Commission (PSC), Disciplined Forces Service Commission (DFSC), Commission de Pourvoi en Grâce, Judicial and Legal Service Commission, Electoral Boundaries Commission ek Electoral Supervisory Commission.

Pou Commission kapav get ou "case", fode pa "case" la finn depass 2 zan.
Bann dimoun dan Rodrigues osi ena droi met enn plint divan Commission. Zot kapav kontakte biro Island Secretary.